www.halola.ahlamontada.com

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

wow.....sokar


    ربنا بيحبك يا ترى انت بتحبه؟

    Admin
    Admin
    Admin


    عدد المساهمات : 102
    السٌّمعَة : 0
    تاريخ التسجيل : 13/07/2009

    ربنا بيحبك يا ترى انت بتحبه؟ Empty ربنا بيحبك يا ترى انت بتحبه؟

    مُساهمة من طرف Admin 16/7/2009, 9:05 am

    بسم الله,,,
    والحمد لله ,,,
    اللهم صل وسلم وزد وبارك وأنعم على سيدنا محمد النبي الأمي وعلي آله وصحبه ومن تبعه بإحسان إلي يوم الدين,,,
    سبحانك اللهم لا علم لنا إلا ما علمتنا إنك أنت العليم الحكيم...


    ربنا بيحبك ... ياترى انت بتحبه..؟!


    يقول الله تعالى في الحديث القدسي:"إني والإنس والجن في نبأ عظيم اخلق ويعبد غيري ,أرزق ويشكر سواي, خيري إلي العباد نازل, وشرهم الي صاعد, اتودد اليهم برحمتي وأنا الغني عنهم ويتبغضون الي بالمعاصي وهم أفقر ما يكونون إليه , أهل ذكري أهل مجالستي فمن أراد ان يجالسني فليذكرني , أهل طاعتي أهل محبتي ,أهل معصيتي لا أقنطهم من رحمتي إن تابو الي فأنا حبيبهم وإن أبوا فأنا طبيبهم أبتليهم بالمصائب لأطهرهم من المعايب , الحسنه عندي بعشر أمثالها وأزيد . والسيئة عندي بمثلها وأعفو , وعزتي وجلالي لو أستغفروني منها لغفرتها لهم , من أتاني منهم تائبا تلقيته من بعيد , ومن أعرض عني ناديته من قريب , أقول له , أين تذهب , ألك رب سواي...؟! "

    الــــــــــــــلــــــــــــــــــــــــــه
    الله بجد على الحديث القدسي الجميل دا
    بجد مش حاسس إني محتاج أقول كلام تاني أكتر من كده...
    تخيل ... انت ,,,
    أيوه انت ربنا بيحبك ....!
    عاصي بقى أو مطيع...قريب أو بعيد عن ربنا...
    هو برضه بيحبك ... مش كده وبس لا... وبيتودد إليك كمان...

    أنا حبيت أبدأ بالحديث دا لأنه من كلام ربنا سبحانه وتعالى وموجه لكل البشر العاصي قبل المطيع, وكمان عشان إخواننا اللى كسلوا يتوبوا لربنا امبارح يسمعوا ربنا وهو بيناديهم ويقولهم ألك رب سواي...!

    تخيل,,,
    دا حجم حب ربنا للبشر جميعا,,,
    فما بالك بقي بحبه لعباده المؤمنين الماشيين على هدي حبيبه المصطفي -الصلاة وأفضل السلام-.

    يقول رسول الله -صلى الله عليه وسلم-:"إن الله ، إذا أحب عبدا ، دعا جبريل فقال : إني أحب فلانا فأحبه . قال فيحبه جبريل . ثم ينادي في السماء فيقول : إن الله يحب فلانا فأحبوه . فيحبه أهل السماء . قال ثم يوضع له القبول في الأرض . وإذا أبغض عبدا دعا جبريل فيقول : إني أبغض فلانا فأبغضه . قال فيبغضه جبريل . ثم ينادي في أهل السماء : إن الله يبغض فلانا فأبغضوه . قال فيبغضونه . ثم توضع له البغضاء في الأرض "

    تخيل بقى إن ربنا يبسط ليك حب الناس في الأرض لمجرد صدق نيتك مع ربنا عز وجل, ودا تصديقا لقوله تعالى:"إن الذين ءامنوا وعملوا الصالحات سيجعل لهم الرحمن ودا"(سورة مريم/96)

    وبيقول ربنا أيضا في أحباؤه:"ألا إن اولياء الله لا خوف عليهم ولا هم يحزنون الذين امنوا وكانوا يتقون"(سورة يونس/62)

    واللى أكتر من كده كمان ما روي عن النبي -صلى الله عليه وسلم-:"إن الله إذا أحب عبدا حماه من الدنيا كما يحمي أحدكم مريضه عن الطعام والشراب"
    يعني من الآخر كده طول ما انت مع ربنا محدش يقدر يضرك أو يقرب منك,,,

    عارف طبعا, الشيطان هيقولك دلوقتي طيب ما فيه ناس كتير عارفة ربنا ومع كده أحوالهم مش أد كده ...؟!
    هقولك دا برضه من علامات حب ربنا, لما روي عن أبي هريرة -رضي الله عنه- عن النبي -صلى الله عليه وسلم-:"إن الله إذا أحب عبدا ابتلاه ليسمع تضرعه"

    فمتسبش فرصة للشيطان يدخل بينك وبين ربنا, لأن ربنا أقرب ليك من أي مخلوق في الكون كما قال تعالى:"ونحن أقرب إليه من حبل الوريد"(سورة ق/16)

    عشان مطولش عليكم,,,
    نيجي بقى للجد,,,
    ازاي نوصل لحب ربنا...؟

    طبعا الطرق المؤدية لحب ربنا كتيرة جدا بلا حصر, عشان كده هنحاول نجمع أهم الحاجات (ومش كلها طبعا) عشان نقدر نلتزم بيها لعلنا نكون ممن يقول الله فيهم:"يحبهم ويحبونه"(سورة المائدة/54):-
    1-يقول المصطفي في الحديث الشريف:"أحب الأعمال إلى الله تعالى أدومها وإن قل "
    2-وفي حديث آخر:"إن أحب الأعمال إلى الله عز وجل الصلاة لأول وقتها" (يعني الصلاة بعد الأذان علطول وللرجال الصلاة في المسجد طبعا)
    3-ويقول المصطفى-عليه الصلاة وأفضل السلام-:"إن أحب الأعمال إلى الله تعالى بعد الفرائض إدخال السرور على المسلم" , كما يقول "تبسمك في وجه أخيك صدقة"
    4-كما يقول:"إن أحب الأعمال إلى الله عز وجل الحب في الله ، والبغض في الله"
    5- ويقول عليه الصلاة وأفضل السلام:"أحب الناس إلى الله تعالى أنفعهم للناس "
    6-كثرة ذكر الله سبحانه وتعالى, لأن كثرة ذكر الله باللسان يولد حبه في القلب.

    الواجب العملي

    تكرير ذكر (لا إلـــه إلا الله) 100 مرة النهارده.

    منقول

      الوقت/التاريخ الآن هو 28/3/2024, 6:49 am